 | Para sa Panitikan at Sining | Feb 28, 2007 |
Nakilala ko ang halakhak sa bulong ng pag-ibig At ang katahimikan mula sa iyong mga labi |  | Photo Exhibit ng mga Litrato ng mga Ibon na May Kasamang Tula.
19-30 Setyembre 2011
Faculty Center, UP, Diliman |
Ikaapat na Palihang Rogelio Sicat Tumatanggap Na ng mga Lahok Pangungunahan nina Efren Abueg, Rogelio Ordoñez, at Elmer Ordoñez ang kaguruan para sa Ikaapat na Palihang Rogelio Sicat (PRS). Ang PRS ay ang tanging palihan na naglilinang sa kabataang manunulat na gumagamit ng Pambansang Wika. Gagaganapin ito sa 26 – 29 Mayo 2011 sa Amadeo, Cavite sa pamamahala ng Departamento ng Filipino at Panitikan ng Pilipinas ng Unibersidad ng Pilipinas, Diliman, sa pakikipagtulungan sa Cavite Young Writers’ Association. Sina Abueg at R. Ordoñez ay bahagi ng grupong Agos sa Disyerto. Samantalang manunulat at iskolar ng panitikan naman si E. Ordoñez. Hinihiling na magsumite ang mga nais lumahok ng alin man sa sumusunod: limang (5) tula, o dalawang (2) maikling kuwento (10 – 15 pahina), o dalawang (2) maikling kuwentong pambata (5-7 pahina); dalawang malikhaing sanaysay (10 – 15 pahina); maikling tala sa sarili; larawan (2x2, may kulay); at gumamit ng 12 points, doble-espasyo, 8x11 na sukat. Tutustusan ng palihan ang lahat ng gastusin mula UP Diliman hanggang sa pagdarausan ng palihan. Gayon din, pagkakalooban ng modest stipend ang lahat ng mapipiling kalahok. Ipadala ang mga kakailanganin sa email lamang na prsdfpp@yahoo.com bago matapos ang 6 ng Mayo. Maaari ring magpadala ng mga katanungan sa email adress na ito. | | Mga tula nina Joey Baquiran, Eugene Evasco, at Reuel Molina Aguila; nilapatan ng biswal na interpretasyon ng mga mag-aaral ni Neil Doloricon; at inilagay sa tarpaulin. 22 Pebrero - 15 Marso 2011; Kanlurang labas ng Faculty Center |
Aplikasyon sa SMPF 2011 Muling binubuksan ang aplikasyon para sa Sertipiko sa Malikhaing Pagsulat sa Filipino, Departamento ng Filipino at Panitikan ng Pilipinas, Unibersidad ng Pilipinas Diliman. Para sa mga interesadong lumahok sa programa, inaasahang maibibigay ang mga sumusunod na kahingian: (1) Photocopy ng high school report card, may GWA na 80 (1st – 3rd year high school at 1st – 3 rd quarter ng 4th year; dapat ay 85 ang average sa Filipino at Ingles), (2) koleksyon ng mga orihinal na malikhaing akda (dalawa hanggang tatlo ng alinman sa mga sumusunod: tula, maikling kuwento o nobeleta , dula, kuwentong pambata, teleplay o script sa pelikula, sanaysay), (3) Rekomendasyon mula sa isang dating guro na naglalaman ng mga napanaluhang kompetisyon, trabaho sa dyaryo at/ o school paper, mga na-publish at mga katulad na impormasyong may kinalaman sa pagsusulat, pagtatanghal at kawangis na gawain. Pebrero 1-28 ang application period, Marso 7, 4:00 – 5:00 n.h. ang oryentasyon ng mga aplikante, Marso 12, 1:00 – 4:00 n.h. ang written exam, at Marso 19, 9:00 n.u. – 5:00 n.h. ang panayam. Inaasahang maipabatid ang listahan ng mga napiling aplikante sa Abril 8, 2011. Para sa karagdagang impormasyon, hanapin si Prop. Vlad Gonzales sa 9244899, o magpadala ng E-mail sa vlad.gonzales@gmail.com. May karagdagan ding impormasyon sa Website ng Kolehiyo ng Arte at Literatura, http://kal.upd.edu.ph/dfpl_index.php?p=38 . | | Nagbabalik ako sa pagkuha ng litrato. Nothing fancy. Gusto kong ma-document ang mga kaibigan at iba pang nakilala at nakita. Sinisikap kong i-capture ang pagkaunawa ko sa kanila. Unang sargo ito; more to come. |
| | Kikiam ang pangalan ng aso kong Sharpei; dahil ito sa dami ng kanyang kulubot. |
 | PASADULA | Dec 21, '10 7:27 AM
for everyone |
| | Sampong dula mula sa halos apat na buwang intensibong workshop sa pagsulat ng dula: Agosto - Nobyembre 2011.
Sampong nagsisimulang mandudula ang ginabayan ng limang mentor, sina: Manny Pambid, Boni Ilagan, Al Santos, Glecy Atienza, at Reuel Aguila.
Nasa pagtataguyod ng Departamento ng Filipino at Panitikan ng Pilipinas, UP, Diliman; at ng NCCA.
Note: dadagdagan pa ang mga litrato at maglalagay pa ng mga detalye. |
Hangad ko’y pagbabago Mapalitan na sana Sa Facebook, status mo Maging nag-iisa na | | Mabilis ang panahon. Biglang bigla, 40 taon na ang nakalipas. Ngunit may asim at baliw pa rin. Kami yong mga karaniwang high school student sa tapat ng Nepa-Q-Mart; kalye ang school ground; 20 sections, iisang CR.... Aba, may narating din pala ang mga karaniwan. |
| MASSKARA | Oct 21, '10 11:44 PM
for everyone |
| | 13-19 Oktubre 2010, Bacolod City |
Ganoon Sanang Kadali Ganoong kadali. Basta naganap, nagkatotoo; dahil ginusto. Ipinamahagi sa magsasaka ang Hacienda Luisita At nagsunuran na rin ang iba pa: Malalaking panginoong may-lupa Korporasyon at dayuhan Pati na ang simbahan. Pinakawalan ang mga bilanggong pulitikal At sinimulan ang pagtugis, pagdakip, Pagpiit at paglilitis sa mga mababangis Na pulis at militar, sindikato sa droga Jueteng at kurap na opisyal. Ganoong kadali. Basta naganap, nagkatotoo; dahil ginusto. Itinigil nang husto ang pagpuputol ng troso Tigil ang smuggling, hinto ang panginigikil At raket sa BIR, DepEd, DPWH At iba pang sangay. Kay inam. Naging mapagbigay sa peace talks Ang pamahalaan. Itinakwil si Uncle Sam. Ganoong kadali. Basta naganap, nagkatotoo; dahil ginusto. Tumaas ang sahod ng manggagawa, bumaba Ang tuition, presyo ng mga produkto at serbisyo. Pati multi-national ay narendahan. At nagbukang-liwayway sa aking bayan. Ngunit naaagnas noon ang buwan At ang mga pusa ay naghaharutan sa bubungan. Napaiktad tuloy sa pagkakatulog At naudlot ang magandang bangungot. 
Ilang Tanong Din Minsan, tinanong mo ako sa text: Y das ur nose run, & ur ft smel? Ang namamantikaan kaya ang nguso, nagtetengang kawali? Sana ay iyong dinggin Ang kabagang ba, ngumunguya ng salita; o lumulunok? Sigaw nitong damdamin Ang nagsusunog ba ng kilay, naglalaro ng apoy? Kahit magtakipsilim Ang nagmamatang-manok, nangingitlog sa kahihintay? Ni hindi magmamaliw Ang nasisilihan ang puwit, nakakaututang-dila? At uulit-ulitin Ang may pusong-mamon, madaling mauhaw? May bagyo man at dilim Ang may pusong-bato, madaling lumubog? Ikaw nga, ikaw pa rin Bakit may mga tanong na mahirap sagutin Tulad kung bakit ako sa’yo’y nahuhumaling Tulad kung bakit ika’y di sa’kin nagigiliw 
Millado directs Aguila’s human rights dramas Renowned theater artist Chris Millado directs two works by award winning playwright Reuel M. Aguila. Human rights dramas Walang Maliw and Alimuom will be staged on 24-27 September (7pm with 3 pm shows on the weekend) at the Tanghalang Hermogenes Ylagan, Faculty Center, UP, Diliman. Sherry Lara, Teroy Guzman, Julia Enriquez, and Paolo Rodriguez perform in this production. “This is the initial offering of the Department of Filipino and Philippine Literature’s Tanghal Likha (Stage Works), a program which produces for the stage the plays, poems, fiction, and other creative works by students and faculty members,” said Dr. Jimmuel Naval, the department chair. Aguila received the lifetime achievement award Pambansang Alagad ni Balagtas for playwriting by the Unyon ng mga Manunulat sa Pilipinas in 2004. He is also Palanca Hall of Famer. Chris Millado heads the Performing Arts Department of Cultural Center of the Philippines. Pangungunahan ng mga batikang mandudulang sina Bonifacio Ilagan, Al Santos, Manuel Pambid, Glecy Atienza, at Reuel Molina Aguila ang intesibong pagsasanay sa 10 nagsisimulang mandudula mula sa Metro Manila, simula sa ika-21 ng Agosto sa UP, Diliman. Tinaguriang Pandayan sa Dula o Pasadula, ang napiling 10 kalahok sa tatlong buwang palihan ay sina: Eric Aguilar, Ma. Stephanie Joy Andaya, Tyron Judes D. Casumpang, Noel Galon de Leon, Arvin Tiong Ello, Mari Joyce Villanueva Laspuña, Cara Cristina B. Red, Joshua Lim So, Ted Jan C. Rubio, at John Romeo L. Venturero. Ang palihan ay nahahati sa tatlong yugto: serye ng mga lecture, one-on-one mentoring, at pagtatanghal ng nasulat na dula. Itinataguyod ang Pasadula ng Departamento ng Filipino at Panitikan ng Pilipinas ng Unibersidad ng Pilipinas, Diliman, at ng National Council for Culture and the Arts. Tumatayong Workshop Director sina Jimmuel Naval, tagapangulo ng DFPP, at si Reuel Aguila. Si Glecy Atienza ang namumuno sa National Committee on Dramatic Arts ng NCCA.  | PASADULA | Jul 20, '10 12:46 AM
for everyone |
Intensibong palihan sa pagsulat ng dula tumatanggap na ng lahok Sampong nagsisimulang manunulat ang pipiliin para sa tatlong buwang intensibong palihan sa paglikha ng dulang may isang yugto. Tinaguriang Pandayan sa Dula (Pasadula), ang palihang ito ay itinataguyod ng Departamento ng Filipino at Panitikan ng Pilipinas ng Unibersidad ng Pilipinas, Diliman, at ng National Council for Culture and the Arts. Limang batikang mandudula ang susubaybay at magiging mentor sa tig-dalawa lamang na kalahok upang matiyak ang masining na pagsusulat at panimulang pagtatanghal ng mga bagong dulang malilikha. Bukas ang paglahok sa mga nagsisumulang mandudula na taga-Metro Manila. Magpadala ng: (1) Scenario na maglalaman ng pamagat, tauhan, tunay na pangalan, buod, konsepto ng pagtatanghal, at malinaw na daloy ng kuwento mula pagbubukas ng dula hanggang pagtatapos; (2) lima hanggang pitong pahina na bahagi ng iskrip; (3) larawan at komprehensibong tala sa sarili; at (4) nakasulat na patibay na may panahon para lumahok at tapusin ang tatlong buwang intesibong palihan. Ipadala ang mga lahok sa pasadula@yahoo.com bago matapos ang ika-6 ng Agosto, 2010. Magsisismula ang Pasadula sa ika-14 ng Agosto. May nakalaang sapat na panustos para makadalo ang mga matatanggap na kalahok. Bahagi rin ng Pasadula ang pagdaraos ng mga lektura mula sa mga kilalang direktor, aktor at guro sa panitikan. Pera sa Lupa May ibang latag, mahirap ipaliwanag, kapag nakakita ng pera sa lupa; nakakabigla. Kahit munting halaga, iba talaga. Iba sa bulsa. Iba sa wallet, sa kamay, sa mesa. Iba ang pera sa lupa; mahiwaga. May kaba, may pag-aalala. May takot, ngunit masaya. Pupulutin? Palihim? Di papansinin? Kanina, nakita kita may ibang latag ka; mahirap ipaliwanag. Nakakabigla. Mahiwaga. Parang pera sa lupa. Mahirap ipaliwanag: marami’ng nagkakahalaga kapag nakalapat sa lupa. | | 28 Abril - 2 Mayo 2010; Baler, Aurora
Ang 15 napili mula sa 74 na aplikante
Tula- Louise Vincent B. Amante (Binangonan, Rizal); Ma. Monica V. Antonio (Puerto Princesa City, Palawan); Camille Josephine C. Cruz (Makati City); Christa I. De La Cruz (Parañaque City); China Pearl Patria M. De Vera (UP Diliman; Quezon City); Conrad Nuyles (San Pablo, Laguna); Alvin Ringgo C. Reyes (Quezon City); Alvin Capili Ursua (Lucena City, Quezon); Om Narayan A. Velasco (Manila).
Maikling Kuwento - Aidel Paul G. Belamide (Silang, Cavite); Jennette T. Bongo (Lucena City, Quezon); Johannes L. Chua (Malabon, Metro Manila); Rafael Carpio Cañete (Marilao, Bulacan); Christine Giselle Espino (Quezon City); and Cara Cristina B. Red (Cainta, Rizal).
Kaguruan: Edgardo M. Reyes, Luna Sicat-Cleto, Romulo P. Baquiran, Jr., Eugene Evasco, at Vladiemir Gonzales. Mga irektor ng Palihan at guro: Jimmuel Naval and Reuel Molina Aguila.
|
Kumbakit Nagpipikit Ako ng mga Mata (para sa Earth Hour, 27 Marso 2010; 8:30 – 9:30 n.g., oras sa Pilipinas) Minsan, tinanong ng aking kuya, sa probins'ya, noong kami’y mga bata pa, kung bulag na ba daw s’ya; nang pinatay na ang gasera wala s’yang makita. Walang matatandang nakatugon maliban sa hanging may ibinubulong, at mga kuliglig na waring may hinihimig. Mayamaya pa’y pati mga mata’y nasanay sa dilim. Sa dilim higit na maningning ang mga bituin. Ilang dekada na iyon; at gayong pareho na kaming nagsasalamin, ano’t higit nahihirapang aninagin ang mga bituin ng mga nagdaan; nakakasilaw ang mga ilaw ng kasalukuyan; at ang liyab ng mga dagitab ay sapat nang makapambulag. Wala lang. Mayroon lang mga alaala na marahil ay mahalaga o may aral; ewan. Di ko matantya kumbakit higit akong nakakakita sa pagpikit ng mga mata; at higit na lumiliwanag ang pananaw kung pinapatay ang mga ilaw. Ang Palihang Rogelio Sicat, sa kanyang ikatlong taon, ay mabilis na umaani ng paggalang sa larangan ng pagsasanay sa kabataang manunulat. Isa itong hamon na sumubok kayong lumahok.. Ikatlong Palihang Rogelio Sicat:
DFPP 2010 Pambansang Palihan sa Malikhaing Pagsulat Petsa: 28 Abril – 2 Mayo 2010 Lugar: Baler, Aurora Kwalipikasyon: Bukas sa lahat ng nagsisimulang manunulat sa wikang Filipino; sa alin mang anyo: tula, maikling kuwento o maikling kuwentong pambata. Mga Kakailanganin: 1. Akda (12 points, doble-espasyo, 8x11) ng alin man sa mga sumusunod: - limang (5) tula; o - dalawang (2) maikling kuwento (10 - 20 pahina kada kuwento); o - dalawang (2) maikling kuwentong pambata (5-7 pahina kada kuwento). 2. Maikling tala sa sarili. 3. Larawan (2x2, may kulay). 4. Application Form (tignan ang naka-attach). Tutustusan ng palihan ang lahat ng gastusin mula UP Diliman hanggang sa pagdarausan ng palihan. Gayon din, pagkakalooban ng modest stipend ang lahat ng mapipiling kalahok. Ipadala lamang ang mga kakailanganin sa email na palihangrogeliosicat@yahoo.com.ph nang hindi lalampas ng ika-9 Abril 2010. Maaari ring magpadala ng mga katanungan sa email na ito.
| |
